List of active policies

Full policy

An Dàta Pearsanta Agad

Bidh Oilthigh Ghlaschu na ‘Rianaire Dàta’ air an dàta pearsanta agad a thèid a làimhseachadh mar thoradh air do ruigheachd air Àrainneachd Ionnsachaidh Bhiortail (siostam Moodle) an t-Ionad Sàr-mhathais ann an Teagasg. Mìnichidh an sanas prìobhaideachd seo ciamar a thèid an dàta pearsanta agad a làimhseachadh le Oilthigh Ghlaschu.

Carson a tha feum againn air

Tha Àrainneachd Ionnsachaidh Bhiortail Moodle ISMT (An t-Ionad Sàr-mhathais ann an Teagasg) a’ clàradh agus a’ cleachdadh am fiosrachadh pearsanta agad a chum:

• Cunntas a thoirt dhut agus d’ aithneachadh taobh a-stigh Àrainneachd Ionnsachaidh Bhiortail (Siostam Moodle) ISMT
• Smachd a chumail air ruigheachd gu diofar phàirtean de dh’Àrainneachd Ionnsachaidh Bhiortail (Siostam Moodle) ISMT mar a bhios iomchaidh
• Ruigheachd a thoirt dhut air cùrsaichean iomchaidh agus na stuthan agus na goireasan a tha nan cois air Àrainneachd Ionnsachaidh Bhiortail (Siostam Moodle) ISMT
• An comas a thoirt dhut fiosrachadh àraidh ann an cùrsaichean air a bheil thu clàraichte a luchdachadh a-nìos, a cheartachadh agus a dhubhadh às, far a bheil cead agad sin a dhèanamh.
• Cuideachadh le taic a thoirt dhut mar neach-cleachdaidh Àrainneachd Ionnsachaidh Bhiortail (Siostam Moodle) ISMT
• Taic a chur ri rianachd an t-siostaim agus ri rèiteachadh dhuilgheadasan.
• Taic a chur ri rianachd an t-siostaim agus ri rèiteachadh dhuilgheadasan.

Nuair a chlàras tu leis an t-seirbheis seo agus a chruthaicheas tu cunntas neach-cleachaidh

Aig àm clàraidh, cruinnichidh Àrainneachd Ionnsachaidh Bhiortail (Siostam Moodle) ISMT beagan dàta pearsanta, leithid d’ ainm (ciad ainm agus sloinneadh), seòladh post-d, ainm-cleachdaidh, roinn, far a bheil an sgoil agus dàta roghainneil sam bith eile, m.e. baile, an dùthaich anns a bheil thu a’ fuireach, ùghdarras ionadail, speisealachadh a thaobh cuspair, dreuchd agus ainm sgoile cho math ri mion-fhios mu na cùrsaichean air a bheil thu clàraichte.

Dàta co-cheangailte ri com-pàirteachadh ann an cùrsa

Tha fiosrachadh logaichean ghnìomhachd mun ghnìomhachd agad taobh a-staigh gach cùrsa cuideachd ann an Àrainneachd Ionnsachaidh Bhiortail (Siostam Moodle) ISMT. Tha seo a’ gabhail a-steach an ceann-là agus an uair aig an deach coimhead ri fiosrachadh sònraichte mun chùrsa agus/no ùrachadh a dhèanamh air, agus seòladh an t-inneal às an deach a ruigheachd.

Tha logaichean gnìomhachd gan cleachdadh gus rannsachaidhean luchd-taic Teicneolas Fiosrachaidh (TF) a chuideachadh nuair a bhios trioblaidean aig luchd-cleachdaidh ann a bhith a’ cleachdadh na seirbheis, agus gus sealbhadairean/ rianairean cùrsa a chuideachadh ann a bhith a’ toirt taic do chom-pàirtichean a’ chùrsa. Chan eil ruigheachd gus na logaichean cùrsa uile fhaicinn ach aig riochdairean ceadaichte luchd-taic TF. Chan fhaod sealbhadairean/rianairean cùrsa ach logaichean chùrsaichean a tha fon cùram fhèin fhaicinn.

Tha fiosrachadh mu na chuireas tu ri cùrsaichean, a’ gabhail a-steach cur ri fòraman deasbaid, sealbhadaireachd ghoireasan, cur a-steach mheasaidhean agus comharran (mas iomchaidh) agus gnìomhachdan eile suidhichte ann am Moodle air a chumail anns an t-siostam.

Dh’fhaodadh fiosrachadh pearsanta eile a bhith air a chumail taobh a-staigh chùrsaichean fa leth, biodh sin ann an sgrìobhainnean/goireasan a chaidh a luchdachadh a-nìos don chùrsa, no am broinn ghnìomhachdan anns a’ chùrsa a bharrachd air cur ri seòmraichean còmhraidh agus fòraman deasbaid a thèid a chur a-steach le daoine fa leth ann an dreuchd phearsanta. ’S ann an urra ri rianairean/sealbhadairean cùrsa a tha am fiosrachadh a tha air a chumail mud dheidhinn a dh’fhaodas a luchdachadh a-nìos gu cùrsaichean den leithid.

Bonn laghail an dàta agad a làimhseachadh

Feumaidh bonn laghail a bhith againn a thaobh làimhseachadh dàta phearsanta sam bith. Anns an suidheachadh seo, ’s e Cùmhnant am bonn laghail.

Cuiridh clàradh le Àrainneachd Ionnsachaidh Bhiortail (Siostam Moodle) ISMT Oilthigh Ghlaschu agus cunntas neach-cleachdaidh a chruthachadh an comas cothrom air na goireasan agus na seirbhisean a th’ air an tabhann taobh a-staigh Àrainneachd Ionnsachaidh Bhiortail ISMT an ruigheachd agus an cleachdadh.

’S e ùrlar le Oilthigh Ghlaschu a th’ ann am Moodle CfTE. Dheidheadh beachdachadh air draghan sam bith mu dheidhinn cleachdadh na seirbheis fo phròiseasan stèidhichte an Oilthigh, le taic bho chlàran an t-siostaim mar is iomchaidh.

Na nì sinn leis agus cò leis a thèid a roinn

Tha ruigheachd aig Sgioba Taic Moodle Seirbhisean Taice Fiosrachaidh Oilthigh Ghlaschu air am fiosrachadh gu lèir a th’ air a stòradh taobh a-staigh Àrainneachd Ionnsachaidh Bhiortail (Siostam Moodle) ISMT air adhbharan taic obrachaidh agus cumail suas.

Tha Àrainneachd Ionnsachaidh Bhiortail (Siostam Moodle) ISMT air òstaireachd le reiceadair on taobh a-muigh, Synergy Learning, a tha fo chunnradh taic teicnigeach a bharrachd a thoirt don t-seirbheis. Bidh ruigheachd iomchaidh aig riochdairean taic teicnigeach gus cuideachadh le taic a thoirt don t-seirbhis seo.

Tha ruigheachd dàta pearsanta an luchd-cleachdaidh uile a tha clàraichte air na cùrsaichean a tha leotha/a tha iad a’ rianachd aig sealbhadairean agus rianadairean chùrsaichean. Faodaidh an luchd-cleachdaidh seo fiosrachadh loga luchd-cleachdaidh ghnìomhachd fhaicinn do na cùrsaichean aca fhèin a-mhàin.

Cha tèid fiosrachadh pearsanta a th’ air a chumail air Àrainneachd Ionnsachaidh Bhiortail (Siostam Moodle) ISMT a roinn uair sam bith le treas phàrtaidhean ach nuair a tha thu air cead a thoirt air a shon, no far am feum sinn sin a dhèanamh fo ghnothach poblach far a bheil seo air a mheas mar leas a’ phobaill a thaobh inbhe proifeiseanta luchd teagasg a dhearbhadh.

Tro chlàradh, tha thu ag aontachadh gun cleachd thu an t-ùrlar ann an dòigh phroifeiseanta agus mhodhail, a rèir Inbhean Comhairle Choitcheann Teagaisg na h-Alba (GTCS) AGUS Còd Proifeiseantachd agus Giùlan (Copac) a thaobh Giùlan Proifeiseanta.

https://www.gtcs.org.uk/knowledge-base/articles/a-guide-to-the-professional-standards

https://www.gtcs.org.uk/documents/code-of-professionalism-and-conduct

Dh’fhaodadh iomradh gun ainm a thoirt air an dàta cuideachd do Riaghaltas na h-Alba air adhbharan staitistigeach mar a thathas a’ meas iomchaidh.

Cho fada sa thèid a chumail

Faodar fiosrachadh agus dàta a chaidh a luchdachadh a-nìos gu Àrainneachd Ionnsachaidh Bhiortail (Siostam Moodle) ISMT, a’ gabhail a-steach cunntasan, cùrsaichean, agus cur ri cùrsaichean, cur ri seòmraichean còmhraidh agus fòraman deasbaid nam measg, sealbhadaireachd chùrsaichean agus fianais air pàirt a ghabhail ann an gnìomhachdan eile ann am Moodle, a chumail cho fada sa tha e riatanach gus a’ chùrsa/na cùrsaichean air a bheil thu clàraichte a lìbhrigeadh agus a rianachd.

Dubhaidh pròiseas fèin-obrachail às cunntasan air nach robh gnìomhachd sam bith fad 5 bliadhnaichean no barrachd.

Na còraichean agad*

Faodaidh tu ruigheachd iarraidh aig àm sam bith air an fhiosrachadh a tha sinn a’ làimhseachadh mud dheidhinn. Ma tha thu den bheachd aig àm sam bith nach eil am fiosrachadh a tha sinn a’ làimhseachadh co-cheangailte riut ceart, faodaidh tu iarraidh am fiosrachadh seo fhaicinn agus ann a cuid de shuidheachaidhean, iarraidh gun tèid cuingealachadh a chur air, gun tèid a cheartachadh, no gun tèid a dhubhadh às. Dh’fhaodadh gum biodh còir cur an aghaidh làimhseachadh dàta agus còir gluasadachd dàta agad cuideachd.

Ma tha thu airson gin de na còraichean seo a chleachdadh, cuir an t-iarrtas agad a-steach tron fhoirm-lìn no cuir fios gu dp@gla.ac.uk.

*Thoir an aire gu bheil an comas na còraichean seo a chleachdadh caochlaideach agus a rèir a’ bhuinn laghail air a bheil an làimhseachadh ga dhèanamh.

Iomraidhean luchd-cleachdaidh

Tha duilleag iomraidh aig a h-uile neach-cleachdaidh. Gheibhear thuige le cliog a dhèanamh air Iomradh ann an clàr-iùil an luchd-cleachdaidh, aig mullach an sgrion air an làimh dheis. Air an duilleag seo tha ceangalan gu duilleagan eile a leigeas leat am fiosrachadh agus na roghainnean agad san iomradh a dheasachadh, postaichean fòram agus bloga fhaicinn, agus sgrùdadh a dhèanamh air aithisgean sam bith air a bheil ruigheachd agad.

Gearanan

Ma tha thu airson gearan a dhèanamh a thaobh mar a chaidh an dàta pearsanta agad a làimhseachadh leinn, faodaidh tu fios a chur gu Oifigear Dìon Dàta an Oilthigh, a nì rannsachadh air a’ chùis.

’S urrainn fios a chur chun Oifigear Dìon Dàta againn aig dataprotectionofficer@glasgow.ac.uk

Mura h-eil thu riaraichte leis an fhreagairt againn no mura h-eil thu den bheachd gu bheil sinn a’ làimhseachadh an dàta phearsanta agad a rèir an lagh, faodaidh tu gearan a dhèanamh gu Oifis Coimiseanair an Fhiosrachaidh (ICF) https://ico.org.uk/